Restorantet ilegalë hit në Londër

Titulli: Restorantet ilegalë hit në Londër Sun Feb 21 2010, 20:57

Londra nisi një modë të re – restorantet ilegale në të cilët kuzhinierët ambicioz në shtëpitë e tyre presin mysafirë krejtësisht të panjohur.
Restorantet ilegalë punojnë fshehurazi, janë më të lirë se konkurrentët legal, nuk respektojnë shumicën e ligjeve për hotelieri – dhe momentalisht janë shumë të kërkuar ën kryeqytetin britanik.
Burime mirë të informuara thonë se në Londër ekzistojnë dhjetëra të tillë, ndërsa numri i tyre po rritet.
Njëri prej këtyre kuzhinierëve sekret është 40 vjeçari Arno Maasdrop, i cili banesën e tij dy herë në javë e shndërron në restorant.
Në kuzhinën e tij të vogël përgatit darkën për 16 persona ku përfshihen së paku pesë lloje të ushqimeve.
“Shumë restorante në Londër janë shumë të shtrenjtë e ushqimi i keq. Dëshira ime është që ta ndajë pasionin tim të kuzhinës me të tjerët,” thotë Maasdrop.
Çmimi i menysë në “klubin” e tij është rreth 25 paund, ndërsa me këtë çmim në restorantet e Londrës vështirë është të gjesh ushqim të atij kualiteti dhe sasie.