Kryqi i Kuq mbajti trajnim për gripin A/H1N1

Titulli: Kryqi i Kuq mbajti trajnim për gripin A/H1N1 Sun Dec 06 2009, 14:54

Kryqi i Kuq i Kosovës në kuadër të aktiviteteve për vetëdijesimin e popullatës nga gripi A/H1N1, mbajti këtë fundjavë trajnimin e 120 vullnetarëve të Kryqit të Kuq të Kosovës.
Në këtë trajnim u përfshinë 26 komuna, duke përfshire të gjitha minoritetet. Trajnimi është mbajtur nga Dr. Ilir Begolli, ekspert nga Instituti Kombëtar i Shëndetësisë Publike.

Vullnetarët e trajnuar gjatë implementimit të Projektit të Edukimit Shëndetësor të Familjes, do të bëjnë vetëdijesimin e popullatës për mbrojtje nga virusi i gripit A/H1N1.

Për këtë qëllim, Kryqi i Kuq i Kosovës, në bashkëpunim me IKSHP dhe me përkrahjen e Federatës Ndërkombëtare dhe Komitetit Ndërkombëtar të Kryqit të Kuq, ka botuar 5.000 posterë dhe 20.000 broshura për gripin A/H1N1, që do të shpërndahen në tërë Kosovën.