Ndryshe nga dikur.

Titulli: Ndryshe nga dikur. Wed Nov 09 2011, 11:18

...Isha sot në vendin ku dikur kalonim pjesën më të madhe të kohës së bashku... sa mall ndjeva!
I hodha një sy mirë e mirë atij ambienti, dhe në gjithçka që ndeshesha kisha të bëj me një kujtim të dikurshëm.. Disa prej tyre më bënin të qesh e te kujtoj se sa mirë ishte dikur, e disa të tjera më mbushnin sytë me lot e më bënin të kuptoj sa shumë të ndjeja!
Gjithçka në jetë e ka një fund. Por në të shumtën e rasteve je ti ai që përcakton fundin!
Pavarësisht rrethanave në të cilat ndodhesh, në momentin që po provon të dorëzohesh kujto arsyen se përse rezistove deri tani, dhe nëse ke 100 arsye për tu larguar, gjej coftë edhe një të vetme për të qëndruar...
E mbaj mend mirë herën e fundit kur ishim së bashku në atë vend... Mbaj mend mirë çdo detaj e çdo sjellje tënden. Kujtoj indiferencën tënde fizike, por jo edhe atë shpirtërore. Vërehej qartë se ende diçka të vlonte përbrenda sa herë që më kishe pranë, por se dija se cfarë ndodhte në të vertetë, dhe ende s’arrij ta kuptoj se si gjithmonë udhëhiqesh nga euforia e momentit dhe shpirtit avanturist që gjendet brenda teje..
Pavarsisht arsyeve të shumta që të dhash për të qendruar, ti prapë udhehiqje te ardhmen tënde nga interesi që kishe për një gjë ose për një individ të caktuar, gjë që të bënte të dukesh mendjelehtë dhe i paarsyeshëm..
Bota rrotullohet, dhe gjithcka në këtë jetë kthehet, ndoshta ndonjëherë do të kuptosh se sa të rënda janë gabimet e tua atëherë kur të gjesh dike që sdo të ti fal ato shumë lehtë.
Unë nuk të kam inat, as zili, as mëri, as edhe një gjë tjeter, gjithcka që dua nga ti është që ta marresh jetën pak më seriozisht!