Dritani dhëndër dhe Eva nuse

Titulli: Dritani dhëndër dhe Eva nuse Sun Dec 06 2009, 00:22

E njohim si personazh të "Big Brather 2" por, nuk e kemi parë dhëndër edhe pse lajmin që ai është martuar e kemi publikuar. Data 19 shtator ka qenë kurorëzimi në martesë i Dritan Shehajt. Në një ceremoni modeste, por njëkohësisht edhe klasike mes shumë miqsh, dasma ka qenë një ndër ditët më të bukura për Tanin dhe Evën.
Të dy me një sharm të veçantë dhe me dashurinë që kanë për njëri-tjetrin, kanë qenë qendra e vëmendjes për miqtë dhe të afërmit e tyre. Eva, një bionde simpatike me sy jeshil dhe Tani një djalë i gjatë e i paraqitshëm, i kanë thënë "PO" njëri-tjetrit për të qenë gjithmonë bashkë.
Pas martesës, Dritani ka hapur studion e tij të avokatisë dhe ushtron profesionin e avokatit, ndërsa bashkëshortja e tij është juriste në një institucion shtetëror. Si një gjirokastrit i thekur, ka ditur ta menaxhojë mirë veten dhe jetën prej bashkëshorti. Në këto foto që "Sh2"-shi ka siguruar, po përcjellim atmosferën e një dasme, ku në qendër është vetëm çifti, Tani - Eva.